Shugaban ƙasar Iran, , ya bayyana cewa yaƙi ba ya cikin amfanin kowa, sai dai ya jaddada cewa Iran a shirye take ta kare kanta idan rikicin ya ci gaba.
A yayin jawabi a taron manufofin kuɗi da harkokin banki na Iran karo na 33 da aka gudanar a Tehran, Pezeshkian ya ce ci gaba da yaƙi ba zai amfani wani ɓangare ba, amma dakarun Iran da al’ummar ƙasar suna cikin shirin kare ƙasa.
Ya ce tattaunawar da ake yi tsakanin Iran da Amurka na iya haifar da fa’idodin tattalin arziki, ciki har da sakin biliyoyin daloli na kuɗin Iran da aka ajiye a ƙasashen waje.
Pezeshkian ya ƙara da cewa matsayin Iran na rashin kera makaman nukiliya bai sauya ba, amma ƙasar za ta ci gaba da kare haƙƙinta na sarrafa makamashin nukiliya.
Har ila yau, shugaban Iran ya soki waɗanda ke adawa da tattaunawar, yana mai cewa wasu ƙungiyoyi na cikin gida da na waje ba sa son samun zaman lafiya da ci gaban tattalin arziki.
Ya kuma yi kira ga masana su samar da hanyoyin rage hauhawar farashi da ƙarfafa tattalin arzikin ƙasar.
.jpeg)
0 Comment about the Post: