Amurka da Iran sun cimma yarjejeniyar tsagaita bude wuta, tare da shirin sake buɗe mashigar ruwa ta Hormuz.

Amurka da Iran sun cimma yarjejeniyar tsagaita bude wuta da kuma zaman lafiya da ke nufin kawo ƙarshen rikicin da ya dade yana faruwa tsakanin kasashen biyu tare da sake buɗe mashigar ruwa ta Hormuz, wadda ke da muhimmanci ga jigilar mai a duniya.

A cewar rahotanni, shugaba Donald Trump na Amurka ya sanar cewa an cimma yarjejeniyar, kuma jami’an Iran sun tabbatar da hakan. Yarjejeniyar ta tanadi dakatar da duk wani farmaki na soja nan take da kuma tabbatar da tsaron jigilar jiragen ruwa a yankin.

Kasashen da ke tsakani wajen sasanci kamar Pakistan da Qatar da Saudi Arabia da Turkiyya sun taka muhimmiyar rawa wajen ganin an cimma wannan sulhu. Ana sa ran za a gudanar da bikin sanya hannu a Switzerland a mako mai zuwa.

Shugabannin kasashen duniya, musamman daga Turai da sauran yankuna, sun yaba da yarjejeniyar, inda suka bayyana ta a matsayin mataki mai muhimmanci wajen dawo da zaman lafiya da kwanciyar hankali a yankin Gabas ta Tsakiya.

Duk da haka, masana suna gargadi cewa yarjejeniyar tana bukatar aiwatarwa mai kyau kafin ta zama cikakkiyar sulhu mai dorewa.

• Tweet
• Share
• Share
• Share
• Share