An saki wakiliyar gidan talabijin na Press TV da ke yankin Yammacin Kogin Jordan, Naqaa Hamed, bayan shafe kusan makonni biyu a tsare a gidan yarin Damon da ke Isra'ila.
An ce kotun soji ta Salem ce ta yanke shawarar sakin Hamed mai shekaru 38.
An kama Hamed ne a ranar 14 ga Satumba, 2026, a wani shingen bincike da ke kusa da Tuqu’ a birnin Bethlehem, yayin da take aikin jarida.
Rahoton Press TV ya ce an raba ta da tawagar masu daukar hotonta, sannan aka tura ta wani wuri da ba a bayyana ba, inda aka yi mata tambayoyi kan aikinta na jarida.
Ta shafe lokacin da take tsare ba tare da an gabatar da wani babban tuhuma a hukumance a kanta ba.
Hamed, wacce 'yar asalin FalasÉ—inu ce da kuma shaidar zama ‘yar Æ™asar Amurka, uwa ce ga ‘ya’ya uku, kuma ta shafe sama da shekaru 15 tana aikin jarida, musamman kan rikice-rikicen siyasa da na jin Æ™ai.
Tun bayan da ta shiga Press TV a shekarar 2024, ta kasance tana bayar da rahotanni daga yankin Yammacin Kogin Jordan kan abubuwan da ke faruwa a yankin.
Press TV ta kuma ce Hamed ta fuskanci wasu matsaloli a baya yayin da take aikin jarida, ciki har da raunata ta da harsasan roba, gurneti masu tayar da hankali da hayaki mai sa hawaye.
Rahoton ya kara da cewa kungiyoyin kare ‘yancin aikin jarida na kasa da kasa sun yi kira da a saki Hamed, tare da nuna damuwa kan abin da suka bayyana a matsayin yunkurin hana ‘yan jarida gudanar da rahotanni daga yankin Yammacin Kogin Jordan.
Tags
Labaran Duniya